Каролинада ўрмон ёнғинлари сабабли фавқулодда ҳолат эълон қилинди
ASTANA. Kazinform - Жанубий Каролина губернатори қуруқ об-ҳаво ва кучли шамол туфайли юзага келган 175 тадан ортиқ ёнғин туфайли фавқулодда ҳолат эълон қилди, деб хабар беради Kazinform мухбири NBC Newsга таяниб.
Жанубий Каролина ўрмон хўжалиги янгиланишига кўра, Орри округида якшанба куни ёнғин 1600 акр майдонни ёндириб, саккизта ҳудуд аҳолисини эвакуация қилишга мажбур қилди.
Шунингдек, ёнғинлар штат бўйлаб, жумладан Спартанберг, Юнион, Окони ва Пиккенс округларида 4200 акрга яқин майдонни қамраб олди.
Жанубий Каролина ўрмон хўжалигининг 410 га яқин ходими, камида 128 та ўт ўчириш машинаси, шунингдек, Жанубий Каролина миллий гвардияси аскарлари ва иккита «Blackhawk» вертолёти ёнғинга қарши курашмоқда.
Жанубий Каролина Қизил Хоч ташкилотининг маълум қилишича, 135 га яқин аҳоли округ дам олиш маркази ва черковда бошпана топган.
Штатдаги вазиятни қурғоқчилик янада оғирлаштирмоқда, бу эса эрта баҳоргача давом этади, дея хабар беради АҚШ Иқлимни башорат қилиш маркази.
Эслатиб ўтамиз, аввалроқ Калифорнияда йирик ёнғин содир бўлгани, натижада 100 мингдан ортиқ одамни эвакуация қилишга буйруқ берилгани ҳақида ёзган эдик.
