Карим Бензема Лионель Мессининг рекордини такрорлади

ASTANA. Kazinform – «Реал Мадрид» ҳужумчиси Карим Бензема Чемпионлар лигасида кетма-кет 18 мавсумда гол урди ва Лионель Мессининг рекордини такрорлади, деб хабар беради Kazinform мухбири.

Бензема 1/8 финалда «Ливерпул»га қарши ўйинда дубл қайд этди. Шу тариқа, у Европанинг асосий кубогида кетма-кет 18 мавсумда мерганлик кўрсатди. Бундай натижага аввал фақат Месси эришган эди. Уларнинг ҳар иккаласи ҳам 2005-2006 йилги мавсумдан бери Чемпионлар лигасида ўйнаб келмоқда.

«Ливерпул»га қарши сафарда 5:2 ҳисобида зафар қучган Мадрид клуби чорак финалга яқинлашиб қолди.

Икки жамоа ўртасидаги жавоб учрашуви 15 март куни Мадридда бўлиб ўтади.

Муаллиф: Ғайсағали Сейтақ

Фото: Сhampionat.com