«Канело» учинчи жангнинг асосий шартини Головкинга қўйди

NUR-SULTAN. Kazinform – Мексикалик боксчи Саул «Канело» Альварес Геннадий Головкин билан жанглар трилогияси якунланишига қарши эмаслигини айтди, агар қозоғистонлик спортчи ўзининг одатдаги ўрта вазн тоифасини у учун тарк этишга рози бўлса. Бу ҳақда Kazinform Sports.kzга таяниб хабар беради.

7 ноябр куни эрталаб «Канело» IBF чемпиони Калеб Плант билан суперўрта вазн тоифасида сўзсиз чемпион унвони учун жанг қилади. Шундан сўнг у 2022 йилда тўрт марта бокс ўтказиш ниятида. Альварес учун эҳтимолий рақиблар орасида Головкин, Давид Бенавидес, Артур Бетербиев ва Жермалл Чарло бор. «Головкиндан сўранг, у иккинчи ўрта вазнга ўтишга тайёрми? Мен ўзим ҳамма билан жанг қилишга тайёрман», - деб жавоб берди «Канело» ESPN Deportes GGG билан учинчи жанг ўтказиш имконияти ҳақидаги саволига.

Эслатиб ўтамиз, Головкин ва Альвареснинг аввалги жанглари 2017 ва 2018 йилларда ўтказилган. Уларнинг биринчи учрашуви дуранг билан якунланган бўлса, иккинчи учрашувда судьяларнинг кўпчилиги қарори билан «Канело» ғолиб деб топилди.