Қўқон шаҳри бозорида катта ёнғин содир бўлди

FARG‘ONA VILOYATI. Kazinform - 12 июнь куни Фарғона вилояти, Қўқон шаҳри, Байналмилал кўчасида жойлашган «Буюк ипак йўли» савдо мажмуаси ҳудудидаги дўкон расталарида ёнғин чиққан. Бу ҳақда ЎР Фавқулодда вазиятлар вазирлиги маълум қилди.

«Ёнғинга соат 19:25 да биринчи бўлинмалар етиб борган вақтда юқорида кўрсатилган манзилда жойлашган савдо комплекcлари очиқ аланга билан ёнаётганлиги аниқланган. Ёнғин-қутқарув бўлинмалари томонидан кўрилган тезкор ҳаракатлар натижасида ёнғин 20:25 да қуршаб олиниб, ёнғин соат 23:30 да бартараф этилган», - дейилади хабарда.

Ёнғиннинг келиб чиқиш сабаби ва моддий зарар миқдорини аниқлаш ишлари олиб борилмоқда.