Италиялик фермерлар Ватиканга етиб боришди

BRUSSELS. Kazinform - Италия ва Европа Иттифоқининг қишлоқ хўжалиги сиёсатига норозилик билдирган бир гуруҳ италиялик фермерлар Ватиканга тракторда етиб борди, деб хабар беради Каzinform мухбири.

Якшанба куни маҳаллий «Maf» ассоциацияси фермерлари кичик тракторда ва Эрколина исмли сигирлари билан Авлиё Пётр майдонидаги Рим Папасингинг анъанавий мессасига боришди.

Уй ҳайвонлари уларнинг норозилиги рамзига айланди, улар яқинда Сан-Ремо қўшиқ фестивалига олиб келишди, деб ёзади Италия оммавий ахборот воситалари.

Маҳаллий фермерлар ёнилғи нархининг юқорилиги ва айни пайтда ўз маҳсулотларининг арзонлигидан норози.

Рим Папасининг котибияти деҳқонларнинг оммавий йиғилишда қатнашиш илтимосини қондирди.

- Рим Папасининг котибиятидан электрон хат ва қўнғироқни қабул қилганимиз жуда ажабланарли бўлди, - деб ёзади улар мактубда, - Ерколина билан Римдаги Авлиё Пётр майдонидаги мессага кириш ва қатнашиш марҳамати билан! – таъкидлади фермерлар.

Улар “Папага қабул учун миннатдорчилик билдиришларини ва уни қўллаб-қувватлаши ва дуо қилишини” қўшимча қилишди.

Шанба куни эрталаб фермерлар Римнинг марказида Пьяцца Бокка-делла-Веритада норозилик намойиши ўтказдилар, унда 300-400 га яқин одам ва бешта қишлоқ хўжалиги машинаси қатнашди.

Муаллиф: Арнур Раҳимбеков