Хорижий давлатлар раҳбарлари қозоғистонликларни Наврўз байрами билан табрикламоқда

None
ASTANA. Кazinform – Наврўз байрами муносабати билан Президент Қасим-Жомарт Тоқаев номига хорижий давлатлар раҳбарларидан табриклар келаяпти. Бу ҳақда Kazinform Ақордага таяниб хабар беради.

Ўзбекистон Президенти Шавкат Мирзиёев табрик телеграммасида қозоқ ва ўзбек халқларига хос бўлган урф-одат ва қадриятлар қадимий Наврўз байрамининг фалсафий маъносида ўз ифодасини топганини таъкидлаб, ҳар икки халқ ҳам ушбу байрамни катта умид билан кутиб олишини таъкидлади.

«Дўст, қўшни давлатлар сифатида ўртамиздаги ҳамкорлик ҳар икки халқ манфаатлари йўлида ривожланиб боришига ишонаман. Олий даражадаги алоқаларни янада жонлантириш, стратегик шериклик ва иттифоқчилик муносабатларимизни мустаҳкамлаш учун бизда кенг имкониятлар мавжуд», — дейилади телеграммада.

Қирғизистон Президенти Садир Жапаров ўз телеграммасида йил боши ҳисобланган ва ҳамжиҳатликка чорловчи Наврўз байрами билан қардош қозоқ халқига қут-барака тилаган.

«Ўйлайманки, бу йил мамлакатларимиз учун тараққиёт йили бўлади. Ишончим комилки, умумий маънавий қадриятлар ва дўстликка асосланган кенг қамровли муносабатларимиз ҳамда стратегик шериклик муносабатларимиз биргаликдаги саъй-ҳаракатларимиз туфайли бундан кейин ҳам тизимли равишда ривожланади», — дейилади телеграммада.

Тожикистон Президенти Эмомали Раҳмон ўз табригида Қасим-Жомарт Тоқаевга мустаҳкам соғлик, муваффақиятлар, қардош Қозоғистон халқига тинчлик-осойишта ҳаёт ва фаровонлик тилади.

«Ишончим комилки, Наврўз байрамининг барқарор қадриятларини яратган мамлакатларимиз стратегик шериклик доирасидаги дўстона муносабатларимиз ва ўзаро манфаатли ҳамкорлигимизни янада мустаҳкамлайди», — дейилади Тожикистон Президенти табригида.

Озарбайжон Президенти Илҳом Алиев ўз табрик телеграммасида Наврўз халқимизнинг жаҳон маданиятига қўшган бебаҳо ҳиссаси эканини таъкидлади.

«Ушбу байрам ўзаро ҳамжиҳатлик, дўстлик ва ҳамкорлик белгисидир. Ўйлайманки, халқларимизнинг хоҳиш-иродаси билан Қозоғистон-Озарбайжон дўстона муносабатлари ва шериклигини сақлаб қолиш ва мустаҳкамлаш йўлидаги биргаликдаги саъй-ҳаракатларимизни давом эттирамиз», — дейилади телеграммада.

Бундан ташқари, Туркманистон Президенти Сердар Бердимуҳамедов, Эрон Президенти Иброҳим Раисий, Грузия Президенти Саломе Зурабишвили ва ТУРКСОИ халқаро ташкилоти Бош котиби Султан Раев табрик телеграммалари йўллади. Табрик мактублари ҳамон келмоқда.


Сўнгги хабарлар
telegram