Хитойда Қозоғистон туризми йили доирасида 35 дан ортиқ тадбирлар ўтказилади

ASTANA. Kazinform - Туризм йили доирасида Қозоғистон хитойлик ҳамкорлари билан биргаликда Хитойнинг шаҳар ва вилоятларида 35 дан ортиқ турли тадбирлар ўтказишни режалаштирмоқда. Бу ҳақда Қозоғистон Республикасининг ХХРдаги элчиси Шахрат Нуришев бугун Пекинда бўлиб ўтган брифинг чоғида маълум қилди, дея хабар беради Kazinform агентлиги мухбири.

“Умуман олганда, Туризм йили доирасида Қозоғистон хитойлик ҳамкорлар билан биргаликда Хитойнинг шаҳар ва вилоятларида 35 дан ортиқ турли тадбирлар, жумладан, Қозоғистон шаҳар ва вилоятларининг туристик родшоулари, ОАВ вакиллари, блогерлар учун пресс-турлар ва форумлар, концертлар, шунингдек, Хитойда бўлиб ўтадиган йирик халқаро сайёҳлик тадбирларида иштирок этиш”, - деди Ш.Нуришев.

Унинг маълум қилишича, ўтган йилнинг охирида Қозоғистонга хитойлик сайёҳлар оқими 217 минг кишини ташкил қилган. Ўсиш 2022 йилга нисбатан 13 баробар ошди.

Эслатиб ўтамиз, 29 март куни Пекинда “Хитойда Қозоғистон туризми йили”нинг тантанали очилиш маросими бўлиб ўтди. Тантанали тадбир арафасида Хитой пойтахтида туризм ва сармояга бағишланган форум бўлиб ўтди, унда Қозоғистоннинг барча ҳудудлари учун сайёҳлик ярмаркаси ташкил этилди.