Хитойда 5,2 магнитудали зилзила оқибатида уч киши жароҳатланди

BАОSHАN. XINHUA - Кazinform - Сешанба куни кечқурун Хитой жануби-ғарбидаги Юннан провинциясининг Баошан шаҳрида содир бўлган 5,2 магнитудали зилзила натижасида уч киши енгил жароҳат олди. Бу ҳақда Kazinform Xinhua агентлигига таяниб хабар беради.

Уларнинг барчаси даволаниш учун шифохоналарга юборилган. Жароҳатлари ҳаёт учун хавф туғдирмайди.

Маҳаллий ҳокимият органлари 3-даражали фавқулодда вазиятларни бартараф этиш механизмини ишга туширди, воқеа жойида тегишли ишларни амалга ошириш учун зудлик билан тез ёрдам гуруҳларини зилзила юз берган ҳудудга юборди.