Хитой марказий банки хусусий бизнесни кўпроқ молиявий қўллаб-қувватлашга чақирмоқда

BEIJING. Kazinform - Хитой Халқ банки (марказий банк) Хитой молия институтларини хусусий иқтисодиётга сармояларни кўпайтиришга йўналтиришга чақирмоқда. Бу ҳақда ХМБ баёнотида айтилади, дея хабар беради Kazinform агентлиги мухбири.

Хитой марказий банки баёнотида мамлакат молия сектори "хусусий иқтисодиёт ва хусусий корхоналарнинг соғлом ривожланиши учун кучли молиявий ёрдам кўрсатиши" кераклигини айтди.

Таъкидланганидек, яқин келажакда “хусусий иқтисодиёт”ни молиявий қўллаб-қувватлаш бўйича 25 та чора-тадбирларни амалга ошириш, шунингдек, хусусий кичик ва ўрта корхоналарнинг кредит салоҳиятини ошириш тизимини такомиллаштириш режалаштирилган.

Аввалроқ Хитой раҳбари Си Цзиньпин йирик Хитой компаниялари вакиллари билан учрашувда “иқтисодиётнинг нодавлат секторини соғлом ва сифатли ривожлантиришга” чақирган эди.

Эслатиб ўтамиз, Хитойда хусусий тадбиркорликни қўллаб-қувватлаш тўғрисидаги қонун лойиҳаси ҳозирда парламентда кўриб чиқилмоқда. Хитой Халқ Республикаси Адлия вазирлиги ва Миллий тараққиёт ва ислоҳотлар комиссиясининг қўшма изоҳида айтилишича, қонун лойиҳаси “иқтисоднинг хусусий ва давлат секторлари ҳуқуқларини тўлиқ тенглаштириш, давлат ва хусусий компанияларнинг бозорлар ва ишлаб чиқариш воситаларига тенг киришини таъминлаш, тадбиркорларнинг қонуний манфаатларини ҳимоя қилиш, хусусий мулкни ҳимоя қилиш даражасини ошириш”га қаратилган.

2024 йил ҳолатига кўра, Хитойда ташқи савдо ва солиқ тушумларининг 50 фоизи, ялпи ички маҳсулотнинг 60 фоизи, инновацияларнинг 70 фоизи ва янги иш ўринларининг 80 фоизи хусусий сектор ҳиссасига тўғри келди.

Эслатиб ўтамиз, аввалроқ Хитой хорижий компанияларга телекоммуникация хизматларидан синов тариқасида фойдаланишга рухсат бергани ҳақида ёзган эдик.

Муаллиф: Руслан Сулейменов