Головкиннинг бўлажак жанги бўйича музокаралар бошланди

NUR-SULTAN. Кazinform - Golden Boy Promotions компанияси президенти Эрик Гомес ўрта вазн тоифасида собиқ жаҳон чемпиони мексикалик Хайме Мунгия (38-0, 30 КО) ва ўрта вазн тоифасида IBF ва IBО йўналишлари бўйича амалдаги чемпион Геннадий Головкин (41-1-1, 36 КО) ўртасида бўлиши мумкин бўлган жанг ҳақида маълум қилди, дея хабар беради Кazinform Sports.kzга таяниб.

Эрик Гомеснинг сўзларига кўра, Хайме Мунгия GGG билан рингга чиқиш истагида, аммо сўнгги сўзни қозоғистонлик боксчи айтади.

«Мунгиянинг орзуси – Головкин. Биз дастлабки музокараларни ўтказдик ва жанг қилиш имкониятига эгамиз. Ҳаммаси Головкинга боғлиқ – у хоҳлайдими ёки йўқ», — дея Гомеснинг сўзларидан иқтибос келтирган EveryBoxing Тwitter аккаунти.

Эслатиб ўтамиз, Головкин ўзининг навбатдаги жангини 2022 йилнинг баҳорида ўтказишни режалаштирмоқда, бунда унинг рақиби WBА Super йўналиши бўйича жаҳон чемпиони Риота Мурата бўлади. Мунгияга келсак, унинг рингга қайтиш режалари ҳали аниқ эмас.