GGG «Канело» билан учинчи учрашувда мағлуб бўлди

ASTANA. Kazinform – Лас-Вегасдаги T-Mobile аренасида бўлиб ўтган Геннадий Головкин ва Саул Альварес ўртасидаги 12 раундлик бокс жанги ҳакамлар қарорига кўра мексикалик фойдасига ҳал бўлди, деб хабар беради Kazinform мухбири.

«GGG» (42:1:1) ва «Канело» (57:2:2) ўртасидаги учинчи учрашув якунига етди. Ғолиб - Саул «Канело» Альварес.

Қозоғистонлик спортчи Геннадий Головкин профессионал боксдаги асосий рақиб Саул Альваресни учинчи учрашувда ҳам мағлуб эта олмади.

Мексикалик бокс устаси WBA, WBC, WBO ва IBF йўналишлари бўйича жаҳон чемпионлик унвонини қўлга киритди. Шу туфайли у мутлақ жаҳон чемпионига айланди.

Эслатиб ўтамиз, Головкин boxingnews24.com сайтига берган интервьюсида мухлислар истаса, Саул Альварес билан тўртинчи жангга тайёр эканлигини айтган эди.

Шунга қарамай, Головкиннинг навбатдаги 4 та жанги учун стриминг хизматини тақдим этиб келаётган DAZN компанияси режалаштирилган олтита бокс учрашувининг эртага бешинчисидан кейин «GGG» билан шартномани бекор қилади.

Головкин-Альварес бокс мусобақасида қозоғистонлик яна бир спортчи чиқиш қилди. 27 ёшли Али Ахмедов америкалик Габриэл Росадони (26-15-1, 15 КО) мағлуб этди.

«GGG-Канело» трилогияси «Qazaqstan» ва «Qazsport» телеканаллари томонидан жонли эфирда намойиш этилди.