Германияда галерея ходими расмини илиб қўйгани учун ишдан бўшатилди

ASTANA. Kazinform – Германиядаги замонавий санъат галереяси кўргазмада ўз суратини илиб қўйган ходимни ишдан бўшатди, деб хабар беради ВВС.

Маҳаллий матбуотнинг ёзишича, 51 ёшли эркак ўз ишини намойиш қилиш учун Мюнхендаги санъат музейи деворига ўз расмини илиб қўйган.

Шу тариқа рассом ўз ижодига жамоатчилик эътиборини қаратишга умид қилган.

Унинг 60х120 см ўлчамдаги асари маълум муддат галереянинг бўш йўлагида турган.

У галереянинг техник хизмат кўрсатиш бўлимида ишлаган. У ўзини фрилансер-рассом деб атаган. Ушбу воқеадан кейин у ишдан бўшатилди ва галереяга кириши тақиқланди.

“Ҳозирги замоннинг пинакотекаси” – Европадаги энг йирик замонавий санъат музейларидан бири бўлиб, унда Пабло Пикассо, Макс Эрнст ва Сальвадор Далининг асарлари намойиш этилади.