Ғазо секторида ҳалок бўлганлар сони 43 мингдан ошди

ASTANA. Kazinform – Ғазо сектори Соғлиқни сақлаш вазирлиги томонидан эълон қилинган маълумотларга кўра, 2023 йил 7 октябрдан буён Исроил армиясининг қамалдаги Ғазо секторига уюштирган ҳужумлари қурбонлари сони 43 020 нафарга етди. Ярадорлар сони эса 101 110 кишини ташкил этди, деб хабар беради ИРНА агентлиги.

“Фақат охирги куннинг ўзида Исроил армиясининг ҳужуми натижасида 96 нафар фаластинлик ҳалок бўлди, яна 277 нафари яраланди”, – деб хабар берди ИРНА агентлиги Ғазо сектори вазирлигига таяниб.

Эслатиб ўтамиз, ХАМАС Ғазо сектори бўйича келишувга эришишга тайёрлигини маълум қилган эди. Бундан ташқари, Миср гаровга олинган тўрт кишини бир неча фаластинлик маҳбусга алмаштиришни таклиф қилган.