Формула-1: Дэниел Рикардо Алфа Таури жамоасига ўтди

ASTANA. Kazinform – «Альфа Таури» жамоаси австралиялик пойгачи Дэниел Рикардони «Red Bull»дан жорий мавсум охиригача ижарага олди, дея хабар беради Kazinform.

«Формула-1» жамоаси сайтида ёзилишича, Рикардо 21-23 июль кунлари Венгрия Гран-присида старт оладиган «Альфа Таури»да голландиялик Ник де Врис ўрнини эгаллайди.

«Мен Дэниелни жамоага қайтганидан жуда хурсандман. Унинг ҳайдаш маҳоратига шубҳа йўқ, у кўпчилигимизни аллақачон билади, шунинг учун унинг интеграциялашуви осон кечади. Жамоа унинг тажрибасидан катта фойда олади, чунки у»Формула-1«Гран-присида саккиз марта ғолиб бўлган. Никга (де Вриз) Альфа Тауридаги фаолияти давомида қўшган қимматли ҳиссаси учун миннатдорчилик билдираман ва унга келажак учун энг яхши тилакларимни тилайман», – дейди жамоа директори Франц Тост.