Финляндия Ўзбекистондаги қонун устуворлиги лойиҳасига 1,5 миллион евро ажратди

None
TASHKENT. Kazinform - Финляндия Ўзбекистонда қонун устуворлиги соҳасидаги лойиҳани амалга ошириш учун 1,5 миллион евро ажратди. Бу ҳақда Kazinform UzAга таяниб хабар беради.

Ўзбекистоннинг Ригадаги элчихонаси берган маълумотга кўра, лойиҳа БМТ Тараққиёт дастури (БМТ ТД)нинг мамлакатдаги ваколатхонаси билан ҳамкорликда амалга оширилади ва 3 йилга мўлжалланган. Тегишли ҳужжат Финляндиянинг Ўзбекистондаги элчиси Илкка Райсанен ва БМТ ТД вакили Матильда Димовска томонидан имзоланди.

Лойиҳа эркин ҳуқуқий ёрдамни кенгайтириш орқали кам таъминланган фуқаролар учун одил судловдан фойдаланиш имкониятини оширишга қаратилган. Шу билан бирга, Омбудсман идорасининг заиф гуруҳларнинг инсон ҳуқуқларини ҳимоя қилиш ва рағбатлантириш бўйича марказий ва минтақавий салоҳиятини мустаҳкамлашга, фуқаролик жамиятининг адолат ва инсон ҳуқуқларини ҳурмат қилиш имкониятларини кучайтиришга йўналтирилгани таъкидланмоқда.

Лойиҳага эксперт ёрдами мамлакатнинг собиқ адлия вазири Туйя Бракс бошчилигидаги Хельсинки университети қошидаги Қонун устуворлиги маркази томонидан кўрсатилади. Марказнинг бир гуруҳ экспертлари жорий йил 23-25 август кунлари Ўзбекистонда бўлди.

Қонун устуворлиги Финляндия Ташқи ишлар вазирлигининг 2024 йилгача Марказий Осиё бўйича мамлакат стратегиясида белгиланган ҳамкорликнинг учта асосий йўналишларидан бири бўлиб, Барқарор иқтисодий ривожланиш ва табиий ресурсларни бошқаришни такомиллаштириш ҳисобланади. Маълум қилинишича, Ўзбекистон, Қирғизистон ва Тожикистонга стратегия доирасидаги ёрдамнинг умумий миқдори 25 миллион еврони ташкил этади.


Фото: UzA

Сўнгги хабарлар
telegram