FIFА президенти мухлислари ирқчиликка йўл қўйган жамоани мағлуб деб ҳисоблашга чақирди

ASTANА. КАZINFORM - Халқаро футбол федерацияси (FIFА) президенти Жанни Инфантино мухлислари трибунада ирқчиликка оид сўзларни ишлатадиган жамоаларга автоматик тарзда техник мағлубият ёзишга чақирди, деб хабар беради BBC.

Инфантино
Фото: Ақорда

Инфантино бу баёнотни шанба куни Италиянинг «Удинезе» ва «Милан», шунингдек, Англиянинг «Шеффилд Уэнсдей» ва «Ковентри Сити» клублари ўртасидаги ўйинларда юз берган «ўта жирканч» воқеалардан сўнг айтди.

Инфантино Х ижтимоий тармоғида "мухлислари ирқий камситишни йўл қўядиган жамоаларни автоматик равишда мағлубият ёзиш, шунингдек, бундай жамоаларга бутун дунё бўйлаб стадионларда ўйнашни тақиқлаш" зарур деб ҳисоблашини ёзди.

“FIFА ва футбол ирқчилик ва ҳар қандай камситиш қурбонлари билан бирга. Ирқчиликка йўл йўқ! Ҳар қандай камситишга йўл йўқ! Шанба куни Удине ва Шеффилдда содир бўлган воқеалар мутлақо жирканч ва мутлақо қабул қилиниши мумкин эмас. Камситилган футболчиларни қўллаб-қувватлашим чексиз", - деб ёзган FIFА раҳбари.

Италия клублари ўртасидаги баҳсда “Милан” ғалаба қозонди.

Ўша ўйин "Удинезе" мухлислари "Милан" дарвозабони, Франция Гвианасида туғилган Майк Мейньянни ирқий ҳақорат қилгани учун қисқа муддатга тўхтатилган эди.

Тахминан 10 дақиқадан сўнг ўйин давом эттирилди.

Меньян Sky Italia телеканалига берган интервьюсида “шунчаки гапиришдан фойда йўқлиги” учун қаттиқроқ санкцияларни қўллаш яхшироқ деб ҳисоблашини айтди.

Сўнгги хабарлар