Европада ҳам коронавирусни қайта юқтириш ҳолатлари қайд этилди
Нидерландияда иммунитети паст бўлган кекса одам иккинчи марта юқтирганлиги аниқланди. Бу ҳақда ҳукуматга маслаҳат берадиган вирусолог Марион Копманс NOS радиосида эълон қилди. Унинг сўзларига кўра, вируснинг геномини ўрганиш шуни кўрсатдики, аввалги юқтириш оқибати эмас, балки уни қайта юқтириш ҳолати.
Бельгияда иккинчи марта коронавирус юқтирган бемор уч ой олдин биринчи марта COVID-19 билан касалланган. Кейин у соғайиб чиқди. Бу ҳақда вирусолог Марк ван Ранст VTMга берган интервьюсида маълум қилди. Вируснинг иккинчи штаммида 11 та мутация аниқланди.
Эслатиб ўтамиз, 24 август куни Гонконг университети олимлари SARS-CoV-2 қайта юқтириш биринчи илмий тасдиқланган ҳолати ҳақида хабар беришди.
Worldometer халқаро кўнгиллилар гуруҳининг маълумотларига кўра, 25 август ҳолатига кўра, пандемия бошлангандан бери дунёда 23,8 миллион юқтириш ҳолати аниқланган. Вирусдан 817 640 киши вафот этган. 16,3 миллиондан ортиқ бемор даволаниб чиққан.
