Евро-2024: Қозоғистон кетма-кет учинчи ўйинда ғалаба қозонди

ASTANA. Kazinform – Қозоғистон терма жамоаси футбол бўйича 2024 йилги Европа чемпионатига саралаш босқичида Шимолий Ирландияга қарши тўртинчи ўйинини ўтказди, деб хабар беради Kazinform мухбири.

Учрашув давомида ҳар икки жамоа тезкор гол уришга ҳаракат қилди. Бироқ голни нишонга ола олмади. Қозоғистонлик футболчилардан Максим Самородов ўз имкониятини бой берди. Бундай ўйинни ўзгартирувчи лаҳзалар Шимолий Ирландия терма жамоасида ҳам бўлди.

Иккинчи бўлимда ҳам баҳсли ўйин давом этди. Учрашувнинг 88-дақиқасида Абат Айимбетов терма жамоа сафидаги саккизинчи голини киритди.

Шу тариқа Қозоғистон терма жамоаси рақиби устидан 1:0 ҳисобида ғалаба қозониб, турнир жадвалида иккинчи ўринга кўтарилиб олди.

Шунингдек, миллий терма жамоа курашадиган H гуруҳида Финляндия Сан-Маринони 6:0 ҳисобида мағлуб этган бўлса, Словения ва Данияни 1:1 ҳисобидаги дуранг ҳам қониқтирди.

Энди Қозоғистон футболчилари навбатдаги ўйинини 7 сентябрда Финляндияга қарши ўтказади.

Эслатиб ўтамиз, Қозоғистон терма жамоаси 2024 йилги Европа чемпионати саралаш босқичида H гуруҳида учта ўйин ўтказди. Ўз майдонида Словенияга 1:2 ҳисобида имкониятни бой бериб, Данияни 3:2 ҳисобида мағлуб этди. Кейин эса улар меҳмонда Сан-Маринони 3:0 ҳисобида мағлуб этди.