Эртага Тошкентда профессионал бокс оқшоми ўтказилади

TASHKENT. Kazinform – Эртага Тошкентдаги "Юнусобод" спорт мажмуасида Lift промоутерлик компанияси томонидан профессионал бокс оқшоми ташкил этилади, деб хабар беради Kazinform агентлиги Ўзбекистон профессионал бокс федерациясига таяниб.

бокс
Фото: freepik.com

Турнир кардидан жами 10 та жанг ўрин олган бўлиб, оқшомнинг марказий тўқнашувида ҳаваскор боксда Париж-2024 Олимпиадаси чемпиони Лазизбек Мулложонов Руслан Мираимовга қарши рингга кўтарилади. Кечанинг co-main event жанги ўрта вазн тоифасида Суҳробжон Қаюмов ва Одилжон Жўрабоев ўртасида бўлиб ўтади.

бокс
Фото: ЎР профессионал бокс федерацияси

Яна бир қизиқарли жангда ҳаваскор боксда анча тобланган Мужибилло Турсунов Шаробиддин Жўрахонов билан тўқнаш келади. Бекзодбек Исадуллаев Достон Қодиров билан рингда муносабатларига ойдинлик киритиб олади.

Эслатиб ўтамиз, аввалроқ 31 январь куни ўзбекистонлик боксчи Cаиджамшид Жафаров камар учун жанг қилиши ҳақида хабар берган эдик.

Сўнгги хабарлар