Елена Рибакинанинг Штутгарт турниридаги рақиби маълум бўлди

ASTANA. Кazinform — Қозоғистонлик биринчи, дунёнинг 4- ракеткаси Елена Рибакинанинг Штутгарт (Германия)WТА 500 турниридаги рақиби аниқланди.

Шу ҳафтада 15-21 апрель кунлари бўлиб ўтадиган мусобақанинг 4-ракеткаси сифатида рўйхатдан ўтган қозоғистонлик теннисчи турнирни иккинчи даврадан бошлайди.

Е.Рибакина дунёнинг 19-ракеткаси россиялик Вероника Кудерметова ёки 24-ўринни эгаллаб турган чехиялик Барбора Крейчиковаларнинг ғолиби билан учрашади.

Уларнинг ҳеч бири осон чақиладиган ёнғоқ эмас.

Ўтган йили Рибакина Штутгартда иккинчи даврадан ўта олмади. Жорий йилда бу кўрсаткични яхшилаш имконияти мавжуд.

Штутгарт 2024 йилда гил устида ўтказиладиган биринчи мусобақа бўлади.

Унда дунёнинг кучли учлигидан Польша вакили Ига Швентек, беларуслик Арина Соболенко ва америкалик Кори Гауфф чиқиш қилади.

Бугун янгиланган WТА рейтингида Е.Рибакина ва Юлия Путинцеванинг ўрни ўзгармади. Ю.Путинцева 50-ўринда.

Анна Данилина – 54-ўрин, Жибек Куламбаева – 124-ўрин, Ю Путинтсева жуфтлик баҳсларида 364-ўриндан 365-ўринга тушиб кетди.

Е. Рибакина жуфтлик баҳсларида 547-ўриндан 543-ўрингача кўтарилди.

Эслатиб ўтамиз, аввалроқ Туркиядаги турнирда Соня Жиенбаева чемпион бўлгани ҳақида хабар берган эдик.