10:51, 25 Декабр 2022 | GMT +6
Елена Рибакина Дубайда дунёнинг биринчи ракеткасини мағлуб этди
ASTANA. Kazinform - Қозоғистонлик Елена Рибакина Дубайда (БАА) бўлиб ўтаётган Бутунжаҳон теннис лигаси жамоавий турнири финалида Польша вакили, дунёнинг биринчи ракеткаси Ига Свентек билан учрашди, деб хабар бермоқда Kazinform мухбири.
Е.Рибакина рақибидан 6:3, 6:1 ҳисобида устун келди.
Бир соат давом этган баҳсда Е.Рибакина 3 та эйс амалга оширди ва 8 та брейк-пойнтдан 5 тасидан фойдаланди.
Шу тариқа, Е.Рибакинанинг «Хоукс» жамоаси «Кайтс» билан баҳсда рақибларини 11:4 ҳисобида ортда қолдирмоқда.
Эслатиб ўтамиз, бунгача Елена Рибакина Дубайда дунёнинг тўртинчи ракеткасини мағлубиятга учратганди.
Муаллиф: Ғайса-Ғали Сейтақ
Фото: Қозоғистон теннис федерацияси