Дунёнинг энг яхши университетлари аниқланди
Хусусан, QS World University Rankings доирасида 2024 йил учун дунёнинг энг яхши университетларининг йиллик рейтинги эълон қилинди. Кучли ўнликдаги ўринларнинг ярми Европага тўғри келди.
20-йил кетма-кет ўтказиб келинаётган ушбу баҳолаш 17,5 миллион илмий иш таҳлили, шунингдек, бутун дунёдан 240 мингдан ортиқ ўқитувчи ва иш берувчининг фикр-мулоҳазалари асосида ташкил этилган.
Шундай қилиб, АҚШнинг Массачусетс Технология Институти (MIT) 12-йил кетма-кет энг юқори 100 балл билан 1-ўринни эгаллаб келяпти.
Кембриж университети (Буюк Британия) 99,2 балл билан 2-ўринни эгаллаган бўлса, унинг маҳаллий рақиби Оксфорд университети 98,9 балл билан 3-ўринни эгаллади.
Рейтингда Гарвард университети 98,3 балл билан тўртинчи, Стэнфорд университети 98,1 балл билан 5-ўринни эгаллаб турибди.
Бундан ташқари, Швейцария олий техник мактаби, Лондон университет коллежи, Эдинбург университети, Париж фан ва адабиёт университети энг яхшилар қаторидан жой олди.
