Дмитрий Попко Мексикадаги турнирнинг чорак финалига чиқди

ASTANA. Kazinform – Дунёнинг 250-ракеткаси, қозоғистонлик теннисчи Дмитрий Попко Меридада (Мексика) ўтказилаётган челленжер турнирида чорак финалга чиқди.

Попко
Фото: Қозоғистон теннис федерацияси

Мусобақанинг 6-ракеткаси сифатида рўйхатдан ўтган қозоғистонлик теннисчи иккинчи даврада дунё рейтингида 540-ўринни эгаллаб турган америкалик Алекс Рибаков билан учрашиши керак эди.

Бироқ А.Рибаков келмади, Д.Попко эса ўйнамай, чорак финалга йўлланма олди.

Соврин жамғармаси 41 минг АҚШ долларини ташкил қилувчи мусобақанинг ярим финалига чиқиш учун Дмитрий Попко дунёнинг 230-ракеткаси, яна бир америкалик Тристан Бойер ёки 702-ўриндаги мексикалик Родриго Пачеко Мендес билан куч синашади.

Д.Попко айни дамда ATP Live рейтингида 234-ўринда бормоқда.

Сўнгги хабарлар