Димаш Қудайбергеннинг концертига 50 та давлатдан 9000 томошабин ташриф буюради

ASTANA. Kazinform — Димаш Қудайберген икки кун кетма-кет Астана шаҳрида яккахон концерт беради. Ноёб шоуни 50 та давлатдан келган томошабинлар томоша қилиши кутилмоқда.

“Қозоғистон маданиятига бўлган катта қизиқиш ҳақида билишдан жуда хурсандмиз. Қизиқиш билдирган ҳар бир тингловчига ўз миннатдорчилигимизни билдирамиз. Жамоатчилик илтимосини инобатга олиб, «Stranger» кўрсатувини нафақат 13 сентябрь, балки эртаси куни ҳам ўтказишимизни мамнуният билан эълон қиламиз”, - деди ташкилотчилар.

Концерт қаерда бўлади: Астана шаҳри, "Астана Арена" стадиони.

Қачон: 13, 14 сентябрь.

Ticketon.kz. сайтида чипталар тез орада сотувга чиқарилади.

Чипта операторининг маълум қилишича, Астана шаҳридаги Димашнинг «Stranger» концертига қозоғистонлик томошабинлардан ташқари Осиё, Европа, Африка, Шимолий ва Жанубий Америкадан 9 мингга яқин томошабин ташриф буюради.

Ташкилотчилар томошабинларга кичик байроқлар ёки ташриф буюрган мамлакатларнинг рамзлари каби эсдалик совғаларини олиб келишни таклиф қилдилар. Мусиқа тилга бўлинмайдиган, одамлар ва қитъаларни бирлаштирадиган муҳит яратишга чақирди.