Денис Евсеев Испаниядаги турнирда навбатдаги ғалабасини қўлга киритди

ORAL. Kazinform – Дунёнинг 184-ракеткаси, қозоғистонлик теннисчи Денис Евсеев Тенерифе (Испания) шаҳрида ўтказилаётган челленжер турнирида навбатдаги ғалабасини қўлга киритди.

Саралаш баҳсларида икки рақибини мағлубиятга учратган Д.Евсеев асосий баҳснинг биринчи даврасида дунё рейтингида 250-ўринни эгаллаб турган швейцариялик Леандро Риди билан кортга чиқди.

Биринчи сет 6:4 ҳисобида қозоғистонлик спортчи фойдасига ҳал бўлди.

Иккинчи сетда эса ҳисоб 4:1 бщлди. Шундан сўнг швейцариялик спортчи мусобақани давом эттиришдан бош тортди.

Бир соат давом этган учрашувда Денис 2 та эйс амалга оширди ва 4 та брейк-пойнтдан 3 тасидан фойдаланишга муваффақ бўлди.

Денис Евсеев чорак финалга чиқиш учун жаҳоннинг 103-ракеткаси, ушбу мусобақанинг 1-ракеткаси машҳур италиялик Фабио Фоньини билан куч синашади.

Эслатиб ўтамиз, аввалроқ Елена Рибакина “Катта дубулға” турнирини ғалаба билан бошлагани ҳақида ёзган эдик.

Муаллиф: Ғайсағали Сейтақ