Давлат раҳбари Италия Президентига табрик телеграммаси йўллади
ASTANA. Kazinform – Қасим-Жомарт Тоқаев Сержо Маттарелла ва Италия халқини Республика куни билан табриклади.
“Бугунги кунда Италия мустаҳкам сиёсий ва иқтисодий пойдеворга эга, халқининг фаровонлиги юқори, жаҳон сиёсатида кучли ва нуфузли обрўга эга давлат сифатида қаралмоқда. Шу нуқтаи назардан, жорий йилда мамлакатингиз ривожланган мамлакатларнинг «G7» гуруҳига фаол етакчилик қилиб, глобал барқарорлик ва хавфсизликни мустаҳкамлашга салмоқли ҳисса қўшмоқда. Қозоғистон ва Италия ўртасида ўрнатилган стратегик шериклик алоҳида аҳамият касб этишини қайд этмоқчиман. Ўзаро муносабатларимиз суръатини мустаҳкамлаган ва катта салоҳиятга эга ҳамкорлигимизнинг янги қирраларини очиб берган Римга расмий ташрифимни мамнуният билан эслайман”, – дейилади телеграммада.
ҚР Президенти икки давлат ўртасида эришилган келишувларни фаол амалга ошириш учун биргаликда саъй-ҳаракатларни амалга оширишга тайёр эканини тасдиқлади. Қасим-Жомарт Тоқаев, шунингдек, Сержо Маттареллага масъулиятли лавозимида муваффақиятлар ва дўст Италия халқига фаровонлик тилади.
