Давлат раҳбари Эмомали Раҳмонни Тожикистон Мустақиллиги куни билан табриклади

ASTANA. Кazinform — Президент Қасим-Жомарт Тоқаев Эмомали Раҳмонни Тожикистон Мустақиллиги куни билан табриклади.

Давлат раҳбари ўз табригида Президент Эмомали Раҳмоннинг оқилона раҳнамолигида Тожикистонда муҳим сиёсий ва ижтимоий-иқтисодий ислоҳотлар тизимли ҳаётга татбиқ этилаётгани, давлатчиликни мустаҳкамлаш йўлида ишончли қадамлар қўйилаётгани, халқаро майдонда юксак обрў-эътиборга эга эканини таъкидлади.

Қасим-Жомарт Тоқаев мустақиллик йилларида Қозоғистон ва Тожикистон ўртасида стратегик шериклик ва иттифоқчилик руҳида ўзаро манфаатли муносабатлар ўрнатилгани, бу икки халқ манфаатларига мос эканини таъкидлади.

Давлат раҳбари Тожикистон Президентининг масъулиятли давлат хизматида муваффақиятлар, қардош тожик халқига эса фаровонлик тилади.