Данияр Елеусинов IBО йўналиши бўйича жаҳон чемпиони бўлди

Пойтахтдаги Жақсилиқ Ушкемпиров номидаги Jekpe-jek саройида Мустақилликнинг 30 йиллигига бағишлаб ўтказилган профессионал бокс кечасининг асосий жанги қозоғистонлик Данияр Елеусинов ва аргентиналик Хуан Эрнан Леао ўртасида бўлди.
12 раундлик жангнинг иккинчи раундида аргентиналик боксчини қозоғистонлик рақиби нокдаунга учратди. Рингдаги ҳакам учинчи раундда ҳам нокдаун қайд этди.
Қолган раундлар Даниярнинг устунлигида ўтди.
Бироқ жангни эрта якунлаш учун битта зарба етарли бўлмади.
Ҳакамлар қарорига кўра, Данияр Елеусинов IBО йўналиши бўйича жаҳон чемпиони унвонига сазовор бўлди.
Бокс кечаси «Хабар» телеканали орқали жонли эфирда намойиш этилди.
Эслатиб ўтамиз, аввалроқ Данияр Елеусинов профессионал рингдаги 10 та ғалабасидан 6 тасида нокаут қайд этган бўлса, рақиби 15 та ғалабасидан 4 тасида нокаут қайд этиб, битта жангида омадсизликка учраган эди.
Муаллиф: Есимжан Нақтибай