Қидирувдаги Ўзбекистон фуқароси Чимкентда қўлга олинди

32 ёшли Ўзбекистон фуқароси жорий йилнинг июль ойида қўшни давлат ҳуқуқ-тартибот идоралари ходимлари томонидан йирик ўғирлик содир этгани учун халқаро қидирувга берилган эди, дея хабар беради Kazinform Polisia.kzга таяниб.

У шаҳар ички ишлар департаменти экстремизмга қарши кураш бўлими ходимлари томонидан қўлга олинган.

- Деструктив диний оқим тарафдори Қозоғистон Республикаси ҳудудида рўйхатдан ўтмасдан яшаб юрган. Ҳозирда у ҳибсда, - дейилади полиция хабарида.

Ҳозирда қўлга олинган шахсни Ўзбекистон Республикасига экстрадиция қилиш ишлари олиб борилмоқда.