Чанаккале бўғозида жанубий-шимолий йўналишда кемалар ҳаракати вақтинча тўхтатилди

ASTANA. Кazinform – Туркия транспорт ва инфратузилма вазирлиги Чанаккале-Кепез ҳудудидаги ўрмон ёнғини туфайли Чанаккале бўғозида жанубий-шимолий йўналишдаги кемалар ҳаракати вақтинчалик тўхтатилганини маълум қилди, деб хабар беради Kazinform Anadolu агентлигига таяниб.

Ҳаракат икки йўналишдан бир йўналишга ўтди.

«Соҳил хавфсизлиги бош бошқармасининг қутқарув кемалари денгиз қирғоқларини қамраб олган ёнғин содир бўлган тақдирда юзага келиши мумкин бўлган аралашувга тўлиқ тайёр», — дейилади вазирлик баёнотида.

Бундан олдин Греция шимоли-шарқидаги Дадия миллий боғидаги ўрмон ёнғинидан кейин 26 кишининг жасади топилгани хабар қилинганди.