Бугун Америка кубогида Аргентина ва Канада терма жамоалари тўқнаш келадилар

ASTANA. Kazinform - Бугун, 10 июль куни Америка кубоги 1/2 финалида Аргентина ва Канада терма жамоалари тўқнаш келадилар.

Учрашув Қозоғистон вақти билан соат 04:50да бошланади ва «Qazsport» телеканали орқали жонли эфирда намойиш этилади.

Эслатиб ўтамиз, 1/4 финалда машҳур юлдуз Лионель Месси бошчилигидаги Аргентина терма жамоаси Эквадорни пенальтилар сериясида мағлуб этиб, мусобақанинг кейинги босқичига йўл олди.

Шунингдек, 11 июль куни Уругвай ва Колумбия терма жамоалари беллашади.

Бу йил Америка кубоги 20 июндан 14 июлга қадар АҚШнинг 14 та шаҳрида бўлиб ўтади.

Америка кубоги 1916 йилдан бери мунтазам равишда ўтказиб келинади. Шу пайтгача Аргентина ва Уругвай - 16 марта, Бразилия - 9 марта, Парагвай, Чили, Перу - 2 мартадан, Колумбия ва Боливия - 1 мартадан чемпион бўлган.