Будапештдаги турнирда Алишер Ерғали эркин кураш бўйича чемпион бўлди

ASTANA. Kazinform – Венгрия пойтахти Будапештда эркин кураш бўйича ўтказилаётган рейтинг турнирида қозоғистонлик полвонлар учта медални қўлга киритди.

Мусобақанинг биринчи куни, 6 июнь куни финалда 97 кг вазн тоифасидаги Алишер Ерғали озарбайжонлик Магомеджан Магомедовга қарши рингга чиқиши керак эди.

Рақиб номалум сабабга кўра гиламга чиқмади.

Ҳакамлар қарори билан ғалаба Алишерга берилди ва у турнир ғолибига айланди.

125 кг вазн тоифасидаги Юсуп Батирмирзаев эса финалда АҚШлик курашчи Мэйсон Пэррисга имкониятни бой берди. Шу тариқа у кумуш соврин билан кифояланди.

Шунингдек, мусобақанинг биринчи кунида 97 килограмм вазн тоифасидаги Ризабек Айтмуқан бронза учун баҳсда словакиялик полвон Батирбек Цакуловни ортда қолдирди.

Бугун, 7 июнь куни эркин кураш бўйича Азамат Даулетбеков (86 кг) беллашади.

Лицензияланган турнирда қозоғистонлик Айдос Султанғали (60 кг), Демеу Жадираев (77 кг), Нурсултан Турсинов, Шамил Ожаев (86 кг) ва Алимхан Сиздиқов (130 кг) иштирок этади.

Хотин-қизлар курашида Эмма Тисина ва Марина Седнева (55 кг), Диана Қаюмова ва Ирина Кузнецова (59 кг), Ирина Казюлина (65 кг) ва Жамила Бақбергенова ҳамда Гулмарал Еркебаева (72 кг) баҳс олиб боради.