Британия ҳукумати коронавирусга қарши яна бир вакцинадан фойдаланишга рухсат берди

LONDON. Kazinform - Буюк Британия ҳукумати Оксфорд университети ва AstraZeneca компанияси томонидан тиббий мақсадларда фойдаланиш учун ишлаб чиқарилган коронавирусга қарши вакцинани маъқуллади, деб хабар беради Kazinform ВВСга асосланиб.

Бирлашган Қироллик AstraZeneca вакцинасини маъқуллаган дунёдаги биринчи мамлакат бўлди. Расмийлар 100 миллион доза вакцинага буюртма берди. Бу 50 миллион кишини эмлаш учун етарлидир. Pfizer ва BioNTech вакцинасига берилган буюртмани ҳисобга олганда, дозалар мамлакатнинг барча аҳолиси учун етарли бўлади. Вакцина 2020 йил бошида ишлаб чиқилган. Биринчи кўнгилли апрел ойида синовдан ўтказилди. Кейинги тест синовларида минглаб одамлар иштирок этишди.

-70 даражадан юқори бўлмаган ҳароратда сақлашни талаб қиладиган Pfizer ва BioNTech вакцинасидан фарқли ўлароқ, AstraZeneca вакцинасини оддий музлатгичда сақлаш мумкин. Шунинг учун ташиш қийин эмас. AstraZeneca, мамлакатни ҳафтасига 2 миллион дозагача вакцина билан таъминлаши мумкинлигини маълум қилди.

Буюк Британияда оммавий эмлаш бошланганидан буён 600 мингдан ортиқ одам эмланди. Бош вазир Борис Джонсон вакцинани инглиз илм-фанининг ғалабаси деб атади.

Британияда ўтган кун давомида 50 минг киши коронавирус билан касалланган. Бугунги кунга келиб мамлакатда 981 минг киши коронавирусдан вафот этган.