Бокс бўйича ёшлар ўртасидаги Осиё чемпионатида яна уч нафар қозоғистонлик боксчи финалга йўл олди

ASTANA. Kazinform - Таиланд пойтахти Бангкок шаҳрида бокс бўйича 22 ёшгача бўлган ўсмирлар ўртасидаги Осиё чемпионатида бугун уч нафар қозоғистонлик спортчи финалга чиқди, деб хабар бермоқда Kazinform мухбири.

Абзал Серик 67 кг вазнда камбоджалик Пенх Вантхунг билан жанг ўтказиб, уни биринчи ва учинчи раундларда нокдаунга учратди. Якуний ҳисоб - 5:0.

71 килограмм вазнда ёшлар ўртасидаги жаҳон чемпиони Сабиржан Аққалиқов тожикистонлик Довуд Махкамовни мағлуб этди.

Диас Молжигитов (75 кг) ярим финал учрашувини муваффақиятли ўтказди. У хитойлик Аиликути Кахаерни ҳакамларнинг якдил қарори билан мағлубиятга учратди.

Муаллиф: Ғайсағали Сейтақ

Фото: sports.kz