Бишкекда 11 нафар ОАВ вакили қўлга олинди

ASTANA. KAZINFORM - Бишкекда ОАВ вакилларига нисбатан "Айт Айт Десе" ва Temirov Live интернет майдонларида оммавий тартибсизликлар уюштиришга чақиргани учун жиноий иш қўзғатилди, дея хабар беради Kazinform агентлиги 24.kg сайтига таяниб.

Улар Жиноят кодексининг 278-моддаси 3-қисми (Ҳокимият органларининг қонуний талабларига бўйсунмаслик ва оммавий тартибсизликлар уюштириш, шунингдек, фуқароларни зўравонликка чақириш) билан қамоққа олинган. Бу ҳақда адвокат Замир Жолдошев Facebookда маълум қилди.

Унга кўра, Махаббат Тажибекқизи, Сапар Аманбеков, Азамат Есенбеков, Сайпидин Султаналиев, Ақтилек Қапаров, Тинистан Асипбеков, Мақсат Тажибекуулу, Жоодар Бузумов, Жумабек Турдалиев, Айке Бейшекеева ва Ақил Орозбеков ҳибсга олинган.

Адвокатнинг сўзларига кўра, барча ОАВ вакилларига жиноят моддаси бўйича беш йилдан саккиз йилгача озодликдан маҳрум этиш жазоси назарда тутилган.