Август ойининг учинчи якшанбаси - Спорт куни

ASTANА. Кazinform – Ҳар йили август ойининг учинчи якшанбасида Қозоғистонда жисмоний тарбия мутахассисларининг касб байрами – Спорт куни нишонланади. Бу йил бу сана 20 августга тўғри келади, деб хабар беради Кazinform.

Мамлакатда бу соҳага алоҳида эътибор қаратилиб, спортчилар турли халқаро мусобақа ва олимпиадаларда фаол иштирок этмоқда. Қозоғистон Республикасининг 2023-2029 йилларда жисмоний тарбия ва спортни ривожлантириш концепцияси Ҳукуматнинг 2023 йил 28 мартдаги қарори билан тасдиқланган.

2023 йил бошидан буён қозоғистонлик спортчилар расмий халқаро турнирларда 586 та медаль қўлга киритишди. Улардан қозоғистонлик спортчилар олимпия спорт турлари бўйича 373 та, яъни 121 та олтин, 111 та кумуш ва 141 та бронза медалини қўлга киритди.

Олимпиададан ташқари спорт турлари бўйича 118 та медаль қўлга киритилди. Уларнинг 53 таси олтин, 38 таси кумуш, 27 таси бронза медалидир. 95 та соврин эса маҳаллий пара-спортчилар томонидан қўлга киритилди. Паралимпия спорт турлари бўйича Қозоғистон Республикаси терма жамоаси савати 33 та олтин, 33 та кумуш ва 27 та бронза медали билан тўлдирилди.

«Спортчиларимиз мамлакатимиз ва хорижий мамлакатларда ўтказилаётган халқаро мусобақаларда мамлакатимиз номидан муносиб иштирок этиб келмоқда. Шу билан бирга, бокс бўйича терма жамоамиз Тошкентда ўтказилган жаҳон чемпионатида 4 та олтин ва 1 та кумуш медални қўлга киритиб, умумжамоа ҳисобида 2-ўринни эгаллаганини алоҳида таъкидлаш лозим. Шунингдек, қиличбоз Руслан Қурбанов Италияда ўтказилган жаҳон чемпионатида Қозоғистон тарихида биринчи бўлиб бронза медалини қўлга киритди. Шу билан бирга, каратэ бўйича Осиё чемпионатида умумжамоа ҳисобида биринчи ўрин, мерганларимизнинг жаҳон кубоги медаллари жамғармаси бўйича биринчи ўринни ғурур билан қайд этишимиз мумкин», – дейди ҚР Маданият ва спорт ишлари вазирлиги Спорт ва жисмоний тарбия ишлари қўмитаси раиси Ербол Мирзабосинов.