Август ойида Қозоғистоннинг бир қатор ҳудудларида қурғоқчилик кутилмоқда — Қазгидромет

ASTANA. Kazinform — “Қазгидромет” РДК 2025 йил август ойи учун қурғоқчилик прогнозини эълон қилди, деб хабар беради Kazinform мухбири.

Синоптикларнинг маълумотларига кўра, ёз охирида мамлакат жанубида қурғоқчилик бўлиш эҳтимоли юқори. Август ойида қурғоқчилик кутилмоқда:

• Ғарбий Қозоғистон вилоятида — Жанибек, Жангақалъа, Ақжайиқ, Қоратўбе ва Бўкей орда туманларида;
• Ақтўбе вилоятида — Шалқар ва Ирғиз туманларида;
• Қостанай вилоятида — Амангелди ва Жангелди туманларида;
• Қарағанди вилоятида — Оқтўғай туманида;
• Абай вилоятида — Аягўз ва Уржар туманларида;
• Алмати вилоятида - Балқаш ва Жамбил туманларида;
• Қизилўрда вилоятида — Орол, Қармақши, Шиели туманлари ва Қизилўрда шаҳрида;
• Атирау вилоятида - Махамбет, Исатай, Дамби ва Қизилқўға туманларида;
• шунингдек, Манғистау, Жамбил, Туркистон ва Улитау вилоятларининг аксарият қисмида.

Шу билан бирга, ўртача намли об-ҳаво кутилмоқда:

• Қостанай вилоятида — Узункўл, Мендиқара, Сарикўл ва Аулиекўл туманларида;
• Шимолий Қозоғистон вилоятида - Жамбил, Тайинша, Тимирязев туманларида, шунингдек, Ғ. Мусрепов, М. Жумабаев ва Шал Ақин туманларида.

Қолган ҳудудларда намлик меъёрга яқин бўлиши кутилмоқда.