Australian Open саралаш баҳсларида иштирок этаётган қозоғистонлик теннисчиларнинг рақиблари аниқланди

Австралия очиқ чемпионатининг саралаш баҳсларида иштирок этаётган қозоғистонлик теннисчиларнинг рақиблари аниқ бўлди, деб хабар беради Kazinform.

Қозоғистон теннис федерацияси хабарига кўра, дунёнинг 188-ракеткаси Бейбит Жуқаев саралаш турнирининг биринчи босқичида дунё рейтингида 510-ўринни эгаллаб турган аргентиналик 31 ёшли Николас Киккерга қарши кортга чиқади.

Н.Киккер бир пайтлар жаҳон рейтингида 78-ўрингача кўтарилган эди.

Яна бир қозоғистонлик, дунёнинг 190-ракеткаси Денис Евсеевнинг рақиби рейтингда 169-ўринни эгаллаб турган 26 ёшли украиналик Виталий Сачкодир.

Дунёнинг 222-ракеткаси Тимофей Скатов рейтингда 154-ўринни эгаллаб турган босниялик 31 ёшли Дамир Жумҳурни енгишга ҳаракат қилади.

В.Сачко ва Д. Жумҳур ўз мамлакатининг биринчи ракеткаси ҳисобланади.

Эслатиб ўтамиз, аввалроқ Елена Рибакина Брисбен турнирида азалий рақибини мағлубиятга учратгани ҳақида хабар берган эдик.