Анна Данилина ўз фаолиятидаги еттинчи WТА чемпионлигини қўлга киритди

Италиянинг Бари шаҳрида теннис бўйича WТА 125 тоифасидаги турнир якунланди, деб хабар беради Каzinform ҚР Миллий олимпия қўмитасига таяниб.

Жуфтликлар баҳсида Қозоғистон хотин-қизлар терма жамоаси етакчиси Анна Данилина россиялик Ирина Хромачева билан биргаликда италиялик Морателли/Сарасуа устидан икки сетда 6:1, 6:3 ҳисобида ишончли ғалаба қозонди.

Бу Аннанинг WТА турниридаги жуфтлик баҳсларида еттинчи ғалабаси ҳисобланади. Илгари у Сидней (WТА 500), Окленд (WТА 250), Гамбург (WТА 250), Варшава (WТА 250), Гданьс (WТА 250), Парма (WТА 125) турнирларида ғолиб чиққан.