Англиялик ҳужумчи Гарри Кейн Чемпионлар лигасида рекорд ўрнатди

ASTANA. Kazinform – Мюнхеннинг “Бавария” клуби ҳужумчиси Гарри Кейн УEФА Чемпионлар лигасининг 1/8 финалида «Байер» дарвозасига гол урди ва рекорд натижага эришди.

Opta Sport сайти хабар беришича, Г.Кейн инглиз футболчилари орасида биринчи марта УEФА Чемпионлар Лигасининг бир мавсумида 10 та гол урди.

Жорий мавсумда 31 ёшли ҳужумчи “Бавария” сафида барча мусобақаларда 36 та ўйинда иштирок этиб, 32 та гол урди ва 11 та голли узатмани амалга оширди.

Transfermarkt интернет порталига кўра, футболчининг нархи 90 миллион еврога баҳоланмоқда.

Леверкузенда бўлиб ўтган ўйинда "Бавария" Германиянинг «Байер» жамоасини 2:0 ҳисобида мағлуб этди. Г.Кейн голли узатма билан ажралиб турди. Иккинчи гол муаллифи Альфонсо Дэвис.

Дастлабки учрашувда “Бавария” 3:0 ҳисобида зафар қучганди. Шу тариқа, Мюнхеннинг машҳур клуби ¼ финалга йўл олди.

“ПСЖ” (Франция), “Интер” (Италия) жамоалари ҳам чорак финалга чиқди.

Французлар ўз майдонида Англиянинг «Ливерпуль» жамоасини 1:0 ҳисобида мағлуб этишди. Биринчи учрашувда инглиз клуби худди шундай ҳисобда ғалаба қозонганди. Шунинг учун пенальтилар сериясида ПСЖ 4:1 ҳисобида ғалаба қозонди.

Италияликлар эса Нидерландиянинг «Фейеноорд» жамоасини ортда қолдирди – 2:1. Биринчи ўйинда ҳам “Интер” 2:0 ҳисобида ғалаба қозонган эди.