Амир Омарханов Астанадаги ўта кескин баҳсда рақибини мағлуб этди

ASTANА. Kazinform - Қозоғистонлик 16 ёшли теннисчи, дунё рейтингида 1349-ўринни эгаллаб турган  Амир Омарханов Астанадаги ITF М25 турнирида чорак финалга чиқди.

А.Омархановнинг иккинчи даврада дунёнинг 789-ракеткаси, хитойлик 27 ёшли Ван Аозжань билан учрашуви кескин курашлар остида кечди.

Ҳисоб гоҳ хитойлик, гоҳ қозоғистонлик теннисчи фойдасига ўзгариб турди.

Биринчи партияда ҳисоб 5:6 бўлганида, Амир тўп узатганида 40:0 ҳисобида олдинда туриб, ютқазиб қўйди – 5:7.

Бироқ иккинчи сетда Амир ютишга муваффақ бўлди - 6:4.

Кейин эса ҳал қилувчи сетда тай-брейкда баҳсни ўз фойдасига ҳал қилди — 7:6 (7:1). Қизиқарли ўйин 2 соат 53 дақиқа давом этди.

Қозоғистонлик ёш юлдуз ярим финалга чиқиш учун дунёнинг 737-ракеткаси, ҳиндистонлик 28 ёшли Эс Де Пражвал Дев билан куч синашади.