Америкаликлар асраб олган опа-сингиллар Ўзбекистондаги ота-онасини қидирмоқда
Бу ҳақда агентлик мухбирига уларнинг ўгай синглиси Элизабет Азиз маълум қилди.
«Мен ўзбекистонлик эмасман, лекин ўгай опаларим шу давлатдан. Улар опаларини ёки уларнинг оиласини қидирмоқдалар. Опаларим: Шарофова Умида Минаварқизи 2000 йил 3 июлда туғилган, Дарханова Фарзонабону Минаварқизи 2003 йил 9 декабрда туғилганлар. Уларнинг иккаласи ҳам Тошкент вилоятида туғилган. Уларнинг Тошкентдаги яшаган манзили: Тошкент вилояти, Чирчиқ шаҳри, 1-микрорайон, 66-хонадон. Улар Ўзбекистонда оғир аҳволда бўлган ва жуда камбағал оиладан чиққан. Улар болалар уйида яшамаган, аммо биологик ота-оналари уларни асраб олишга рухсат беришган», - деди қиз.
Умида ва Фарзонабонунинг онасининг исми Шарапова Саодат Тулкуновна, отасининг исми Шарапов Минавар Дарханович. Қизларни 2007 йилда ота-оналарнинг розилиги билан асраб олишган.
«Биз биламизки, уларнинг бир нечта опа-сингиллари бор эди, ҳаммаси қиз эди. Фарзонабону қизларнинг энг кичиги эди, қолганлари 6-19 ёшлар атрофида эди. Афсуски, ҳужжатларда опа-сингилларнинг бошқа исм-шарифлари ва тафсилотлари қайд этилмаган. Биздаги барча маълумотлар шу. Ҳар қандай ёрдам биз учун фойдали бўлади!», - дейди Элизабет Азиз.
Муаллиф: Арайлим Мурат
