Александр Бублик янги йилдаги илк ғалабасини қўлга киритди

Қозоғистоннинг биринчи, дунёнинг 31-ракеткаси Александр Бублик Аделаида (Австралия) шаҳрида ўтказилаётган АТР 250 турнирини ғалаба билан бошлади, деб хабар беради Каzinform.

Мусобақанинг 8-ракеткаси сифатида рўйхатдан ўтган қозоғистонлик теннисчи янги йилдаги илк учрашувини дунё рейтингида 278-ўринни эгаллаб турган австралиялик Жеймс Маккейб билан ўтказди.

Биринчи ўйинда А.Бублик яққол устунлик қилди - 6:2.

Иккинчи сетда ҳам ғолибликни қўлдан бой бермади - 6:3.

Бир соат 16 дақиқа давом этган учрашувда А.Бублик 2 та эйс амалга оширди ва 6 та брейк-пойнтдан 5 тасини қайд этди. Д. Маккейб 1 эйс, 1 та брейк (3 та брейк-пойнт)дан ошиб кета олмади.

Александр Бублик чорак финал йўлланмаси учун дунёнинг 40-ракеткасидан бири, британиялик Даниэл Эванс ёки 70-ўриндаги австралиялик Ринки Хижиката билан рақобатлашади.