Александр Бублик Париж мастерс турнирининг учинчи босқичига чиқди

Қозоғистоннинг биринчи ва дунёнинг 33-ракеткаси Александр Бублик Париж мастерс турнирининг учинчи босқичига йўл олди, деб хабар беради Кazinform мухбири.

Қозоғистонлик теннисчи иккинчи босқичда дунёнинг 20-ракеткаси, Чили вакили Николас Гарри билан куч синашди.

Александр Бублик иккита тай-брейкда 7:6 (7:3), 7:6 (7:3) ҳисобида зафар қучди.

Қарийб икки соат давом этган шиддатли беллашувда қозоғистонлик спортчи 10 та эйс қайд этган бўлса-да, 6 та брейк-пойнтни ўз фойдасига ҳал қила олмади. Бироқ у тай-брейкда муваффақиятли ўйнади. Чилилик теннисчи 6 эйс билан чекланди (4 брейк-пойнт).

Биринчи босқичда А.Бублик дунёнинг 14-ракеткаси америкалик Фрэнсис Тиафони мағлубиятга учратган эди.

Александр Бублик чорак финал йўлланмаси учун дунёнинг учинчи ракеткаси россиялик Даниил Медведев ёки 17-ўриндаги болгариялик Григор Димитров билан баҳслашади.

Муаллиф: Ғайсағали Сейтақ