Александр Бублик Монпелье турнирининг чорак финалига йўл олди
ASTANА. Kazinform – Қозоғистоннинг биринчи ва дунёнинг 39-ракеткаси Александр Бублик Монпелье (Франция) АТP 250 турнирининг чорак финалига йўл олди.
Турнирнинг 4-ракеткаси сифатида қайд этилган қозоғистонлик теннисчи мусобақани иккинчи даврада бошлади.
Дунё рейтингида 118-ўринни эгаллаб турган германиялик Доминик Кёпферга қарши ўйинда биринчи партия 6:4 ҳисобида Бублик фойдасига ҳал бўлди. Қозоғистонлик теннисчи иккинчи сетда ҳам шиддатини йўқотмади – 6:2. Шу тариқа ўтган йилнинг 28 октябридан бери ғалаба қозона олмаган А.Бублик ўша омадсизликлар сериясига барҳам берди.
Бублик ярим финалга йўл олиш учун дунёнинг 98-ракеткаси италиялик Маттия Беллуччи ёки 102-ўринни эгаллаб турган америкалик Александр Ковачевич билан куч синашади.
Ўтган йили А.Бублик Монпельеда чемпион бўлган эди. Бу йил у шу унвон ва рейтинг очколарини ҳимоя қилиши керак.
Эслатиб ўтамиз, аввалроқ Александр Бублик Монпельеда чемпионлик унвонини ҳимоя қила оладими деб ёзган эдик
