Александр Бублик АҚШдаги турнирнинг чорак финалига чиқди

ASTANA. Kazinform — Қозоғистоннинг биринчи, дунёнинг 82-ракеткаси Александр Бублик Феникс (АҚШ) «Челленджер» турнирининг чорак финалига йўлланма олди.

Қозоғистонлик теннисчи иккинчи даврада жаҳон рейтингида ўзидан бир поғона пастда жойлашган Ринки Хидзиката билан кортга чиқди.

Биринчи ўйинда Бублик 6:2 ҳисобида ғалаба қозонган бўлса, иккинчи ўйинда Хидзиката жавоб қайтарди – 7:5.

Ҳал қилувчи, учинчи сетда А.Бублик ғалаба қозонди — 6:3.

Бир соату 49 дақиқа давом этган шиддатли баҳсларда қозоғистонлик спортчи 19 та эйс ва еттита брейк-пойнтдан бештасини қўлга киритди. Хидзиката 2 та эйс, 3 та брейк (7 та брейк-пойнт) билан ажралиб турди.

Александр Бублик ярим финалга чиқиш учун дунёнинг 79-ракеткаси франциялик Корентен Муте билан куч синашади.

Яна бир қозоғистонлик, дунёнинг 166-ракеткаси Михаил Кукушкин чорак финалдан четда қолди.

Беллашувни саралаш баҳсларида бошлаган М.Кукушкин иккинчи даврада дунёнинг 76-ўйинчиси Кей Нисикорига имкониятни бой бериб қўйди. 3:6, 1:2 ҳисоби қайд этилганидан кейин қозоғистонлик теннисчи иккинчи сетда баҳсни давом эттиришдан бош тортди.

Ушбу мусобақа фонди 250 минг долларга баҳоланган. Турнир ғолиби 38 420 доллар ишлаб, 175 рейтинг очкосини қўлга киритади.

Эслатиб ўтамиз, аввалроқ Жибек Қуламбаева Венгриядаги турнирда чорак финалга чиққани ҳақида ёзган эдик.