АҚШда тўлиқ роботлаштирилган ресторан очилади
Бундай ресторан очиш ғояси Американинг учта компанияси – Cali Group, Miso Robotics ва PopID. Cali Groupга тегишли.
Ресторан CaliExpress by Flippy деб номланади ва АҚШнинг Калифорния штатида жойлашган Пасадена шаҳри марказида жойлашади. Ресторан анъанавий америкалик тез тайёрланадиган таомларни тайёрлашга ихтисослашган бўлади. Ҳозирча менюда фақат уч турдаги бургер, қовурилган картошка ва салат мавжуд. Уларни тайёрлаш учун бир нечта тўлиқ роботлаштирилган гриль станциялари ўрнатилади.
Робот-ошпазлар жамоаси махсус ёзилган дастур ёрдамида бошқарилади. Ўз-ўзига хизмат кўрсатиш киосклари ёрдамида буюртма бериш мумкин. Шунчаки PopID ҳисобини олдиндан яратиш керак. Буюртма беришда киоск ташриф буюрувчиларга аввалги ташрифлари тарихига асосланиб тавсиялар беради. Кейин мижоз овқат тайёрлаш жараёнини кузатиши мумкин – бунинг учун ошхона деворлари шаффоф ойнадан тайёрланади. Шунга қарамай, ресторанда одамлар ҳам ишлайди – ходимлар буюртма қабул қилиб, уларни тарқатади.
