АҚШда торнадо ва шторм оқибатида 15 киши ҳалок бўлди

ASTANA. Kazinform - Қўшма Штатларнинг марказий қисмини қамраб олган, уйларни вайрон қилган ва юз минглаб одамларни электр таъминотисиз қолдирган торнадо ва шторм оқибатида камида 15 киши ҳалок бўлди, деб хабар беради Kazinform агентлиги BBCга таяниб.

Техас шимолида етти киши, Арканзасда беш нафар, Оклахомада икки ва Кентуккида бир киши ҳалок бўлди. Якшанба куни бир нечта штатларда кўпчилик  жароҳатланган ва 500 мингга яқин киши электр таъминотисиз қолган.

Техаснинг Кук округи шерифи Рэй Саппингтоннинг айтишича, округдаги ўлимлар орасида 2 ва 5 ёшли икки бола ва бир оиланинг уч аъзоси бор.

Торнадо юк машиналарини ағдариб юборди, Даллас яқинидаги автомагистрални ёпиб қўйди ва бутун минтақа бўйлаб ўн минглаб одамларни электр энергиясиз қолдирди.

Техасдаги шторм, шунингдек, штатнинг айрим қисмларида рекорд даражадаги иссиқлик билан бир вақтга тўғри келди.

Миллий об-ҳаво хизмати маълумотларига кўра, якшанба куни шторм тизими шарққа қараб ҳаракатлана бошлади ва аҳлоли кучли шамол ва дўл ҳақида огоҳлантирилди.

Эслатиб ўтамиз, жорий йилнинг баҳорида Америка Қўшма Штатларининг марказий штатларида ҳам ўнлаб торнадолар бўлиб ўтган, улар давомида Оклахомада тўрт киши, Айова штатида эса бешинчи киши жароҳатлардан вафот этган.