АҚШ Президенти ҚР Президентининг ислоҳотларини қўллаб-қувватлайди - Давлат котиби
NUR-SULTAN. Kazinform – ҚР Бош вазирининг ўринбосари - Ташқи ишлар вазири Мухтор Тлеуберди АҚШ давлат котиби Энтони Блинкен билан телефон орқали мулоқот қилди, деб хабар беради Kazinform ҚР Ташқи ишлар вазирлигига асосланиб.
Томонлар халқаро кун тартибидаги муҳим масалаларни ва икки томонлама алоқаларни, шу жумладан кенгайтирилган стратегик шерикликни чуқурлаштириш истиқболларини муҳокама қилдилар.
М. Тлеуберди Президент Қасим-Жомарт Тоқаевнинг Қозоғистон ижтимоий-сиёсий тизимини янада демократлаштиришга қаратилган ислоҳотлар тўғрисида маълумот берди.
АҚШ давлат котиби, ўз навбатида Президент Қасим-Жомарт Тоқаевнинг сиёсий ислоҳотлар режасини АҚШ қатъий қўллаб-қувватлашини айтди.
Шунингдек, Қозоғистон ва АҚШ ўртасидаги дипломатик муносабатларнинг 30 йиллигига бағишланган тадбирларни тайёрлаш ва жадвалини ҳамда яқинда бўлиб ўтадиган C5 + 1 мулоқот майдончасининг онлайн учрашувини муҳокама қилдилар.
