Ақмола вилоятида ижтимоий эҳтиёжлар учун 52 кўп қаватли уй қурилиши давом этмоқда
Ақмола вилоятида уй-жой қурилиши жадал олиб борилмоқда. Вилоятда ижтимоий эҳтиёжлар учун 52 кўп қаватли уй барпо этилмоқда. Бу ҳақда вилоят ҳокими Марат Ахметжанов маълум қилди, деб хабар беради Каzinform.
“Вилоятда уй-жой қурилиши жадал давом этмоқда. 546 минг квадрат метр уй-жой фойдаланишга топширилди. Бу 5 мингдан ортиқ ақмолалик оилаларни уй-жой билан таъминлаш имконини берди. Жумладан, 130 оилага мўлжалланган 3 та ижтимоий турар-жой биноси, йил охиригача 290 оилага мўлжалланган яна 6 та, 3 та ижара ва 3 та кредитга мўлжалланган уй-жой фойдаланишга топширилиши режалаштирилган”, – деди Марат Ахметжанов Марказий коммуникациялар хизматида бўлиб ўтган матбуот анжуманида.
Умуман олганда, Ақмола вилояти ҳокими таъкидлаганидек, бюджет маблағлари ҳисобидан ижтимоий эҳтиёжлар учун 52 та кўп хонадонли уй-жой, жумладан, “Отбаси банк” омонатчилари учун 37 та уй (кредит уй-жой) ва 15 та ижара уйи ижтимоий ҳимояга муҳтож аҳоли қатламлари учун қурилмоқда.
